प्रकरण-17

अवैध प्रवासी वाहतूक करणाऱ्या वाहनांद्वारे प्रवास न करणेबाबत

• संपूर्ण राज्यात टप्पा व कंत्राटी प्रवासी वाहतुकीचे एकाधिकार काही अपवाद वगळता फक्त म.रा.मा प.महामंडळासच आहेत.

• पर्यटन परवाना धारण करणाऱ्या खाजगी वाहनांतून फक्त ऐतिहासिक, धार्मिक स्थळांना भेटी देण्यासाठी पर्यटक गटाने कंत्राटी पध्दतीवर प्रवास करु शकतात.

• या वाहनांना परवाना नसतानाही टप्पा पध्दतीने प्रवासी वाहतूक करण्यात येते. अशी वाहतूक बेकायदेशीर असून या वाहनांद्वारे प्रवाशांनी प्रवास करु नये.

• काळया - पिवळया रिक्षा, टॅक्सी मधून 3 ते 6 प्रवाशांच्या गटाने वाहतूक ठराविक क्षेत्रामध्ये करण्याची परवानगी असते. मात्र, अशा वाहनांकडून परवान्यातील अटी व शर्तींचे उल्लंघन करुन आणि निर्धारित केलेल्या क्षेत्राबाहेर जाऊन प्रवाशांची बेकायदेशीर वाहतूक करण्यात येते.

• जीप्स, टेम्पो, ट्रॅक्स, टाटा सुमो इत्यादी खासगी वाहने वैयक्तिक उपयोगासाठीच वापरता येतात. अशा वाहनांतून प्रवास भाडे देऊन प्रवास करणे बेकायदेशीर आहे.

• ट्रक, टेम्पो, ट्रॅक्टर इत्यादी वाहनांना फक्त मालवाहतुकीची परवानगी असते. अशा वाहनांतून प्रवास करणे बेकायदेशीर आहे.

• उपरोक्त अवैधरीत्या प्रवासी वाहतूक करणाऱ्या वाहनांतून प्रवास करणे बेकायदेशीर आहे. अशा वाहनांतून प्रवास करताना प्रवासी आढळल्यास त्याचा खोळंबा होऊन गैरसोय होऊ शकते. तेव्हा प्रवाशांनी गैरसोय टाळण्यासाठी फक्त रा.प.बसनेच प्रवास करावा.